romantic slide show

عاشق سارح

عاشق سارح فى الملكوت

اغنيه عاشق سارح ، من الاغانى الرائعه الى بتغذى الروح والقلب ، كلمات وصوت رائع .

عاشق سارح بالملكوت
ميهموش العمر يفوت
يدفع فى الحريه حياته ولو اتكتف للحظه يموت
قلبه بيبرق زى الماس
ولا يملك غير الاحساس
غرقان فى جروحه والااامه وبيداوى فى جروح الناس
قلبه بيبرق زى الماس
ولا يملك غير الاحساس
غرقان فى جروحه والااامه وبيداوى فى جروح الناس
بايع قلبه للى يحبه ومعندوش للحب شروط
عاشق سارح بالملكوت ولو اتكتف للحظه يموت
عاشق سارح بالملكوت
ميهموش العمر يفوت
يدفع فى الحريه حياته و لو اتكتف للحظه يموت
طير فى السما وملوش عنوان
وفى ايديه خاتم سليمان
كان عايز بالضحكه يغير ويدوب كل الاحزان
عاش الحلم كانه حقيقه
وافتكر ان الدنيا بريئه
من طيبته سلم لحبيبته وحببته بتبيع فى دقيقه
فوق واتحرر من اوهامك
العمر بيخلص قدامك
الطير مش هيطير فى جهنم ومافيش سمكه بتعشق حوت
عاشق سارح بالملكوت
ميهموش العمر يفوت يدفع فى الحريه حياته ولو اتكتف للحظه يموت

 

الاخوات

الاخوات

الاخوات نعمه كبيره اوى فى حياتنا ، بيحس بقيمتهم اوى الى معندوش اخوات لان بيكون اغلب الوقت لوحده ، الاخ او الاخت وجودهم بيملى علينا حياتنا ضحك وهزار و لعب و احيانا كتيره خناق .

وجودهم مهم جدا يمكن مش تحس بيه الا لو حد فيكم سافر او اتجوز ، ساعتها هتعرف انه كان مالى عليك وقتك و حياتك ، هتبقي مشتاق له  طول الوقت و نفسك تشوفه وتسمع صوته وتفضله تهزروا و تلعبو كالعاده.

حافظ على اخواتك و حبهم ، و اوعى في يوم غضبك يعميك و تخاصموا بعض لان محدش هيحبك و يحافظ عليكى ويكون كل همه سعادتك غيرهم ، الاخوات وجودهم فى حياتك نعمه .

I LOVE YOU MY SISTER 

ٍٍSomya Esmael 

الخوف

الخوف 

الخوف هو العدو الاكبر فى حياه الانسان ، هو عدو النجاح لو بصيت على كام مره انت فشلت ف حياتك او هربت من حاجه ، هتلاقى ان السبب الرئيسى  هو الخوف انك خايفه من حاجه او على حاجه ، خايف تفشل او تجرب من الاساس ، خايف على زعل حد منك ، خايف من بكره او الظروف او الايام ، طول ما انت خايف من حاجه ومرعوب منهم للاسف مش هتوص لاى حاجه فى حياتك ، هتفضل زى ما انت لا بتعمل حاجه ولا بتواجه وبالتالى هتفشل .

حاول تتغلب على خوفك واجه واكسر حاجز الخوف الى جواك ، اثبت لنفسك قبل اى حد تانى انك قادر وتعرف ازاى تنجح فى حياتك وتوصل اللى بتتمناه ، لا الظروف و لا الاشخاص ولا اى حاجه هتقف قصادك وقصاد احلامك لو انت بجد من جواك عاوز كده ومش خايف من حاجه او على حاجه .

 لو حسيت ان حاجه مخوفاك استغنى عنها ، قاومها واثبت لنفسك انك تقدر تعمل كده ، ماتستسلمش للظروف و الاجواء المحبطه الى حواليك ، امسك ودير انت دفه حياتك وعافر و تغلب على كل الى واقف فى طريقك لحد ما تقدر توصل للى انت عاوزه.

اوعى تخاف على زعل حد او تعمل حساب لحد اى كان على حساب نفسك ، ارضي نفسك الاول واعمل الى يريحها واكسر حاجز الخوف هتلاقى نفسك مرتاح ، وقادر تكمل و تنجح وتحقق كل الى بتتمناه .

اكسر اكسر اكسر حاجز الخوف الى جواك  ، واستغنى عن اى حاجه ممكن تعطلك .

somya esmael  

ذكريااات

ذكريات

الذكرى هى الحاجه الى بتفضل معاك و بتفكرك بموقف او لحظه مرت وانتهت، فى ناس بيحبو يحتفظوا بذكرى لكل موقف مروا بيه بصوره او تسجيل او انهم  يكتبوا عنه فى مذكراتهم المهم انهم بيحتفظوا بيه و  يفضل ذكرى حلوه لليوم ده ، وفى ناس بتخاف من الذكريات مبتحبش تعيش ف الماضى كتير خصوصا لو الاشخاص الى فى الذكريات دى مش موجودين او فيه بينهم خلاف .

الانسان الى ملوش ماضى مش هيبقى ليه لا حاضر او مستقبل ، الذكريات و الصور الى محتفظه بيها هى الى بتديك لحظات من الرضا و السعاده انك موجود وعملت حاجه وسافرت وضحكت وهزرت ، بتقولك انك كنت موجود وبتعمل حاجه .

حافظ على ذكرياتك ، اتصور فى كل خروجه ليك ، خلى ليك ذكريات مع ناس كتير ، اتصور و استمتع بكل لحظه مع كل الى حواليك ، خلى دايما الذكريات الى ما بينكم حلوه مهما حصل حافظ على عليها اوعى تهرب منها .

somya esmael

اكتبلك تعهد

اكتبلك تعهد 

 

ممكن تسيبني اشتري عمري اللي باقي
قول بكام
مش عايزة اعيشه معاك
عشان لو عشته كله جراح حرام
ولو انت خايف لما تسيبني
هقابل بعدك حد يصوني
وانت لو مبقتش بتصدق كلامي
انا ممكن اكتبلك تعهد مني
اني هعيش لوحدي باقي عمري
بس اعيشه باحترام 

be Happy

be happy

خلى السعاده عاده حتى وان كانت زياده .. الضحكه عمله نادره جرب تشوف نتاجها نعمه ربك مديهالك فرصه ومدفوع حسابها .. ابتسم وسيبها على الله.

somya esmael

My slideshow

الخيل 

slideshow فى عشق الخيل ♥ 

 

somya esmael 

متعه الحياه

الحب متعه الحياه

الحب هو لمن يعيشه حياه ومن افتقده فهو موت مؤقت في انتظار مغادره الباقي من الروح لخالقها.. الحب متعه الحياه.. من استطاع ادخال الحب في حياته فلح.. ومن عاش بدون حب هلك.. وان حاول اخفاء ذلك.

كلمات من روايه "مالك" اعجبتنى ، الحب حياه فعلا الانسان الى بيحب بيكون مرتاح او مكتمل لحد ما ، اما الى بيعيش من غير حب حياته فاضيه و بيحاول بكل الطرق ان يخفي ده ممكن يفلح و ممكن لا بس هو نفسه عارف انه مش سعيد من جواه ، الحب بيدك طاقه و احساس و ابتسامه بجد بيخلى عيونك تضحك بيديك حيويه و نشاط انك تقدر تكمل ،انك موجود فعلا هو متعه الحياه ، اوعى تتخلى عنه او تقرر تعيش من غير حب ، حب من قلبك بصدق حب بجد .

 

الخيل .. عشق لا ينتهى

الخيل 

عشق من نوع خاص "الخيل " ، ناس كتير بتحب الخيل ، وناس كتير بتحب تركب الخيل ، وناس كتير الخيل و الفروسيه حياتهم ، اما فى ناس فعلا بتعشق الخيل ، بتتجنن من صورهم بس وتتغزل فيهم ، مش مهم عندها تركب خيل قد ما يكفيها تبص لعنيه وتتامله ، احلامها و خيالها معظمه مرتبط بالخيل ، خيل ابيض بيجري على شط بحر ، الخيل حاجه حلووه اوى فى حياتها ، تقريبا روحها متعلقه بيه ، فعلا عشق لا ينتهى حاجه كده مش موجود منها كتير ، مش اى حد بيحب الخيل وكمان مش كتير الى بيعشقو الخيل بمعنى الكلمه ، انا من الناس دى الخيل بيمثلي كل ده و اكتر كمان رغم انى ركبت الخيل مره واحده لكن الخيل فعلا عشق بيودك لمكان متتخيلوش ، عيونه فعلا تتوه فيها ،مجرد النظره و التركيز فيها خيااال و دنيا تانيه ،اكتر جمله مناسبه ،الصمت فى حرم الجمال جمال .

 

ألــــــــو

HELLO 

معلومه اول مره اقراها واعرفها ، كلمه بنستعملها كلنا و بنرددها بس معرفش اصلها ايه او جايه من ايه ، كلمه ألو او hello ، فعلا انسان عظيم جدا ووصل في حبه ان خلد اسم زوجته على حساب تذكر اسمه ، جراهام بيل شااابوه .

كلمة "الو" او "Hello"التي نتلفّظ بها جميعنا لدى تلقّينا أو قيامنا بأي مكالمة هاتفية؟
مارجريت هيلو هي المرأة التي أصبح اسمها على كلّ لسان فهي زوجة مخترع  الهاتف جراهام بيل الذي نطق اسمها أوّل تجربة لهذا الإختراع وظل الحال إلى يومنا هذا فظلّ اسمها مرتبطًا بالردّ على المكالمات وبذلك خلّد اسم هيلو ونسي اسم بيل.
جراهام بيل المخترع العبقري هو نموذع عن الرجل المحبّ الذي أحبّ زوجته بلا حدود وكرّمها من خلال جعل اسمها يتردّد على كلّ لسان عبر الزمن.
ضحّى ايضًا باسمه من أجل المرأة التي رأى فيها مستقبله وماضيه. قد لا يتذكر الكثيرون اسم هذا المخترع العظيم الذي لولا اختراعه للهاتف ما كانت الحياة على ما هي عليه اليوم، إنما ما هو أكيد أنّ ما من أحد سينسى حبيبته "هيلو" التي أصبحت كلمة يتمّ تناقلها على كلّ لسان.
المرأة هي نصف المجتمع وهي التي تلد وتربي النصف الآخر فهي الزوجة والأم والأبنه وكانت ولا تزال رمزًا للكفاح والعطاء اللامحدود. وعلى كلّ رجل ألاّ ينسى دور المرأة في المجتمع بل عليه تكريمها وإعطائها المكانة التي تستحقها في حياته فمن دونها لا معنى للحياه.