العشق ♥

العشق

العشق والحب بينهم فرق ؟ اكيد بينهم فرق بس من نوع خاص ، العشق هو درجه من درجات الحب بس درجه عاليه شويه يكون الحب فيها وصل لمعانى و درجات اعلى من انك تقول عليه حب ، العشق ممكن يكون شخص او اي حاجه بتبدا تحبها وتوصل فى بحبك ليها لدرجه العشق ، فى ناس الخيل عندها عشق ، مجرد صورته او صوته او الكلام عنه او رؤيته بس بتثير جواه السعاده والراحه والانبساط ، فى ناس القهوه عندهم عشق ، يومه ومزاجه ميكملش ولا ينظبط الا لما يشرب القهوه و يكون هو الى عاملاها ، فى ناس بتعشق ريحه القهوه ، وفى ناس عندهم الشيكولاته عشق من نوع خاص ،حاجه كده بتشقلب مودهم ميقدروش يستغنو عنها ، بتسببلهم السعاده و بتديهم طاقه كبيره هى بالنسبه لناس كتير حاجه مهمه اوى ، فى ناس العشق بالنسبه لها النادى الى بتشجعه ، دايما عندها شغف تتابع اخباره و اخبار اللاعيبه و الماتشات ، بيبقي  عنده متعه من نوع خاص لما يتابع ماتشاته و اخباره ، فى ناس عندهم العشق الفجر ، وقت الفجر و الصلاه و الجو بتاع الفجر بيدهم راحه و سعاده هما محتاجينها ، حاجات كتير اوى بنحبها وتوصل معانا لدرجه العشق ، الحاجات دى بتختلف من شخص لشخص وممكن اوى كلها تتجمع فى شخص واحد ، الحاجات دى الى بتخليه يكمل و بتديله طاقه و قدره على الحياه و الاستمتاع بيها .

somya esmael